புதியவை

தொடரை வசப்படுத்துமா இலங்கை? இலக்கு 386

தொடரை வசப்படுத்துமா இலங்கை? இலக்கு 386


இலங்கைக்கு எதிரான மூன்றாவதும் இறுதியுமான டெஸ்ட் போட்டியின் இரண்டாவது இன்னிங்சில் துடுப்பெடுத்தாடிய இந்திய அணி 274 ஓட்டங்களுக்கு சகல விக்கெட்டுக்களையும் இழந்துள்ளது. 


இலங்கைக்கு சுற்றுப் பயணம் செய்துள்ள இந்தியா மூன்று டெஸ்ட் போட்டிகளில் விளையாடுகின்றது. 

இதில் முன்னதாக இடம்பெற்ற இரண்டு போட்டிகளிலும் இரு அணிகளும் தலா ஒரு வெற்றிகளைப் பெற்று சமநிலையில் உள்ளன. 

இந்த நிலையில் வெற்றியை நிர்ணயிக்கப் போகும் மூன்றாவதும் இறுதியுமான டெஸ்ட் போட்டி கடந்த 28ம் திகதி ஆரம்பமானது. 

இதில் நாணய சுழற்சியில் வென்ற இலங்கை முதலில் களத்தடுப்பில் ஈடுடத் தீர்மானித்தது. 

இதன்படி களமிறங்கிய இந்திய அணி சார்பில் புஜாரா ஆட்டமிழக்காது அதிரடியாக ஆடி 145 ஓட்டங்களைப் பெற்றுக் கொடுத்தார். 

ஏனைய வீரர்களில் அமிட் மிஸ்ரா (59) தவிர வேறு எவரும் அரைச் சதம் கூட பெறாது ஆட்டமிழந்து வௌியேறினர். 

இதனால் 312 ஓட்டங்களைப் பெற்ற அந்த அணி சகல விக்கெட்டுக்களையும் இழந்து முதல் இன்னிங்சை நிறைவு செய்தது. 

இதனையடுத்து துடுப்பெடுத்தாட ஆரம்பித்த இலங்கை அணி சார்பில் அதிகபட்சமாக குஷல் பெரேரா 55 ஓட்டங்களையும் ரங்கன ஹேரத் 49 ஓட்டங்களையும் பெற்றுக் கொடுத்தனர். 

ஏனைய துடுப்பாட்ட வீரர்கள் எவரும் அவ்வளவாக பிரகாசிக்காத நிலையில் 201 ஓட்டங்களை மட்டுமே பெற்ற நிலையில் இலங்கை அனைத்து விக்கெட்டுக்களையும் இழந்தது. 

இதன்படி 111 ஓட்டங்களால் முன்னிலையில் இருந்த இந்தியா தனது 2வது இன்னிங்சில் துடுப்பெடுத்தாட ஆரம்பித்தது. 

அந்த அணி 274 ஓட்டங்களைப் பெற்ற நிலையில் சற்று முன்னர் சகல விக்கெட்டுக்களையும் இழந்துள்ளது. 

இந்தியா சார்பில் ரவிச்சந்திரன் அஸ்வின் 58 ஓட்டங்களையும் ரோஹித் சர்மா 50 ஓட்டங்களையும் பெற்றுக் கொடுத்துள்ளனர். 

இதனையடுத்து இலங்கை அணி 386 ஓட்டங்களைப் பெற்றால் வெற்றி என்ற இலக்குடன் தற்போது துடுப்பெடுத்தாடி வருகின்றது.

No comments :

Post a Comment

தங்கள் கருத்துகள் வரவேற்கப்படுகிறது.

தடாகம் கலை இலக்கிய வட்டம் All Rights Reserved Copyright © 2015

© Copyright 2015 byதடாகம் கலை இலக்கிய வட்டம். Theme images by Airyelf. Powered by Blogger.