புதியவை

தடாகம் கலை இலக்கிய வட்டம் - கல்வி, கலை, கலாச்சார பன்னாட்டு அமைப்பு ஏப்ரல் மாதம் 2016 நடத்திய உலகம் தழுவிய மாபெரும் கவிதைப் போட்டியில் மூன்றாம் இடமாக தெரிவு செய்யப்பட்டு கவின்கலை பட்டமும் சான்றிதழும் பெறுகின்றார் கவிஞர் ச.மணிகண்டன்



தலைப்பு - பாட்டெழுதும் பாவலன் கை

கைமுனையில் உள்ள பேனா 
போர்முனை கூர் வாளினை 
சொல்லால் தலை கவிழ்த்தி 
பொருளால் மெய் உணர்த்துமே !
அநீதி கண்டு எதிர்த்து 
உண்மை மூடி மறைக்காது 
நீதி காத்திடும் மாண்பு 
பொய் வேர்களை கருவருக்குமே !
அரசின் தவறை மேற்கோள்காட்டி 
மக்கள் வாழ்வுதனை அறிவுறுத்தி 
நடுநிலை கோட்டுபாடு தாங்கியே 
ஜனநாயகம் போற்றி காத்திடுமே !
பாமரன் மொழியிலே பாட்டேழுதி
அறியாமை அகற்றிட முனைந்து 
வறியவர் பிரச்சனை தோலுரித்தே
நியாயம் கிடைக்க போராடுமே !
இயற்கை எழில்தனை உறவாடி 
காதல் ரசங்கள் சுவைக்கூட்டி 
மொழியின் வழமை செழித்தோங்க 
உயிரோடு காவியம் படைக்குமே !
சுதந்திரம் நாட்டில் மடிந்தாலும் 
அடுக்குமுறை நேரில் நிகழ்ந்தாலும் 
புரட்சிக்கு வித்திடும் பாவலன்
காலத்தால் தோற்றதில்லை சரித்திரமே !

யாருக்கும் அஞ்சாத நெறிகளுடன் 
பாட்டெழுதும் பாவலன் கை
அச்சம் அறவே தவிர்த்து 
நெஞ்சம் உயர்த்தி வாழ்ந்திடுமே !

ச.மணிகண்டன்

No comments :

Post a Comment

தங்கள் கருத்துகள் வரவேற்கப்படுகிறது.

தடாகம் கலை இலக்கிய வட்டம் All Rights Reserved Copyright © 2015

© Copyright 2015 byதடாகம் கலை இலக்கிய வட்டம். Theme images by Airyelf. Powered by Blogger.