புதியவை

நீயும் நீயும் நானாவேன்.. (கவிதை) வித்யாசாகர்!



1
கிழித்துப்போட்ட
காகிதங்களைப் போல கிடக்கிறது
உனக்காக காத்திருந்த மனசு;

அள்ளி தீயிலிட நினைக்கிறேன்
நீயில்லா தனிமைதனில்...
-------------------------------------------------------
2
நீ நிலவிற்கீடு
ஒரு படி அதற்கும் மேல்..

எப்போதும் ஒளிர்ந்துக்கொண்டே யிருப்பாய்

நானந்த ஒளியின்
ஏதேனுமொரு மூலையில் நின்று
உனைத் தொட்டவாறே உயிர்த்திருப்பேன்..
-------------------------------------------------------

3
யிரைவிட
எதைப் பெரிதாகச்
சொல்வதென்று புரியவில்லை;

உன்னைவிட எனலாமா..?!!
------------------------------------------------------- 

4
ழையின்று சோவெனப்
பெய்யுமென்றுச் சொன்னால்
ஒரு விவசாயிக்கு மனசெல்லாம் பல்லாய்
சிரிப்பு வரும்;

எனக்கும் நீ இன்று
வருவாயென்று நினைக்கையில்
நினைக்க நினைக்க ஆனந்தம்..
-------------------------------------------------------  

5
ந்தப் பிரபஞ்சம்
காற்றால் நிறைந்திருப்பதைப் போலத்தான்
நானும் உன்னால் நிறைந்திருக்கிறேன்..

என்னுலகம் 
உன்னிலிருந்து துவங்கி 
உன்னோடே முடிகிறது..

No comments :

Post a Comment

தங்கள் கருத்துகள் வரவேற்கப்படுகிறது.

தடாகம் கலை இலக்கிய வட்டம் All Rights Reserved Copyright © 2015

© Copyright 2015 byதடாகம் கலை இலக்கிய வட்டம். Theme images by Airyelf. Powered by Blogger.